राजवंशी भाषिक कविता : “साहारा”
गुल्गुलीया बुर्हार ..कहचे? साहारा
हए जिँहापुता .. आर नाति।
बहु-बेटा त हए .. एक्टी साहारा
कतये हएना रे .. भुर्भुर माँटी ।।
बहु-बेटा होल .. आलन बेथा
काँहे सुने रे .. गालार हाती ?
दिन काटे त .. जेने-तेने करे
केङकरे पुहाए रे .. आन्धार राती।।
धनेर चिन्ह .. हाथी आर घरा
बंशेर चिन्ह .. जिँहापुता नाति।
ऐग्नाते छे सुकाल .. ठुटा गाँछ
ओझोतेर काहे .. बने रे साथी ।।
हाथेर बले आर .. चलेना घरद्धार
खाँदी/ऊचल होले .. ऐग्नार माटी।
घरते पराल छे .. चाऊ आर धान
के जराए दिबे रे .. जलान- खाँटी??
देहा छिले जैखुना ..गदगद् रसरसीया
घरते लागे रे .. बाजार-हाँटी।
देहा होल आझी .. बुर्हार नि-शक्तिया
मच्किए परिए छे रे .. घरेर टाँटी ।।
