नेकपा एमालेका वरिष्ठ नेता माधवकुमार नेपाल समूहले आज पार्टी दर्ता गर्ने निर्णय गरेको छ । नेपाल समूहले पार्टीको नाम नेकपा एमाले (समाजवादी) राख्ने तय गरेको छ भने चुनाव चिन्ह ‘खुल्ला किताब’ टुंगो लगाएको हो ।
यसअघि पार्टीको नाम टुंगो लागेपनि चुनाव चिन्ह के राख्ने भन्ने विषयमा छलफल चलिरहँदा ‘खुला किताब’ चुनाव चिह्न राख्न नेपाल पक्षका नेताहरु सहमत भएका हुन् । नेपाल समूहको केन्द्रीय कमिटी बैठक अर्याल होटलमा बसिरहेको छ ।
नेपाल समूहले पार्टी दर्ताको सबै तयारी पूरा गरेर बसेका छन् । आज राष्ट्रपतिबाट अध्यादेश जारी गरेकी छिन् । अध्यादेश जारी भएसँगै आजै निर्वाचन आयोगमा गएर पार्टी दर्ता गर्ने कार्यक्रम रहेको एक नेताले बताए । यसैगरी नेपाल पक्षले कम्तिमा ६० सदस्यीय कार्यसमिति बनाउने तयारी गरेको छ ।
यो खबर पढेर तपाईलाई कस्तो महसुस भयो?
+1
+1
+1
+1
+1
+1
