झापा । मोरंग जिल्लाको लेटाङ नगरपालिकाको उत्तरी क्षेत्रमा पर्ने वडा नम्बर ७ वारंगीको विभिन्न स्थानहरुमा पाइने जंगली डउठे निगुरो यस भेगका मानिसहरुको मुख्य आर्थिक उपार्जनको स्रोत वन्न थालेको छ ।
अज्ञात रोगका कारण खोल्साको अलैंची मासिएपछि उक्त ठाउँमा जंगली निगुरो फस्टाएर राम्रो उत्पादन हुन थाले संगै यसले वजार भाउ पनि राम्रो पाउन थालेको हो । यसरी निगुरो उत्पादन भएर आम्दानी हुन थालेपछी कृषकहरुमा निगुरो प्रति आकर्षण बढेको वताउँछन्।
सुरु सुरुमा गाउँमै मुठाको ४० रुपैयाँ सम्ममा विक्ने गरेको निगुरो अहिले यसको मुल्य केही घटे पनि कृषकहरूले हप्ताको १० हजार सम्म कमाउने स्थानीयहरु बताउँछन ।
