हेमन्त मैनाली : जलथल । चौकीविरान सामुदायिक वन उपभोक्ता समूहको चौथो वार्षिक साधारणसभा हल्दिवारी गाउँपालिका अध्यक्ष रवीन्द्र प्रसाद लिङ्ग देनको प्रमुख आतिथ्यतामा सम्पन्न भएको छ ।
कार्यक्रममा उपभोक्ता समुहले २० लाख ३४ हजार ४६९ रुपैयाँको आयव्यय प्रस्तुत गर्दै आर्थिक वर्ष ०७८/ ०७९ मा करिब ७० लाख आम्दानी गर्ने लक्ष्यसहितको वार्षिक प्रतिवेदन सभामा पेश गरिएको छ ।
कार्यक्रममा प्रमुख अतिथि लिङ्गदेन हल्दिवारी ४ का कार्यवाहक अध्यक्ष केदार प्रसाद उप्रेती ,
फरेस्ट एक्सन नेपालका निर्देशक डा.लिलानाथ शर्मालगायतले जलथल जङ्गल र सामुदायिक बन उपभोक्ता समूहले खेल्नु पर्ने भुमिकाको बारेमा मन्तव्य राखेका थिए ।
समूहका अध्यक्ष बिसुलाल मेचेको अध्यक्षतामा भएको साधारणसभामा सचीव सीता ढुंगेलले अध्यक्षको प्रतिबेदन ,कोषाध्यक्ष वण्डा मेचेले कोषाध्यक्षको प्रतिबेदन प्रस्तुत गरेका थिए । उपाध्यक्ष अर्पन राईले स्वागत मन्तव्य राखेको कार्यक्रमको सहजीकरण समुहका सहसचिव सन्तलाल मेचेले गरेका थिए ।
