हल्दीबारी मीडिया । सप्तरी राजबिराज । टुकी फाउण्डेशनले राजविराजमा सामाजिक लेखापरिक्षण एक कार्यक्रमको विच सार्वजनिक गरेका छन ।
सप्तरीको राजविराज नगरपालिका भित्र दुई जना एकल महिला गरिब,असहाय,दिन दुखीलाई शौचालय सहित घर निर्माण र ३÷३ वटा बाख्रा हस्तान्तरणमा २५ लाख ५६ हजार ७ सय ५८ रुपैयाँ लागत लागेको टुकी फाउण्डेशनकी सावित्री रजाईलीले जानकारी दिईन । उहाँको अनुसार राजविराज न.पा. १४ का एकल महिला लडु वत्ति मण्डलको शौचालय सहित एक तल्ले चार कोठे निर्माण र ३ वटा बाख्रा वापत १२ लाख ७८ हजार ३ सय ७९ रुपैयाँ लागत लागेको बताइन । त्यस्तै राजविराज –९ का सकिना खातुनको शौचालय सहित एक तल्ले चार कोठे निर्माण र ३ वटा बाख्रा वापत १२ लाख ७८ हजार ३ सय ७९ रुपैयाँ लागत लागेको सो कार्यक्रममा बताइन ।
सो कार्यक्रममा टुकी फाउण्डेशनका कोडिनेटर महिला सचेतना समाजका अध्यक्ष सुनिता साहले समाजमा अपहेलित,दिनदुखी,असहाय एकल महिलाको आवास निर्माणको साथै आत्मनिर्भरको लागी बाख्रा पालनबाट आय आर्जणमा मदत पुग्ने बिश्वास ब्यक्त गरिन । उहाँले अगामी दिनमा अरु एकल महिलालाई समेटन टुकी फाउण्डेशनकलाई आग्रह गर्नु भईन ।
सो अवसरमा राजविराज नगरपालिका का.वा.प्रमुख यसरत परविणको प्रमुख आतिथ्यमा सम्पन्न कार्यक्रममा ईजिनियरद्वय केवल दास,अशोककुमार दास,पशु,पंक्षि शाखाका परमेश्वर यादव, टुकी फाउण्डेशनका शुष्मा श्रेष्ठ,विणा राई,घर धनीको तर्फवाट वविता मण्डल र सफिना खातुन लगायत आ आफनो विचार ब्यक्त गरेका थिए ।
