जनक राजवंशी । हल्दिबारी, २९ असोज । हल्दिबारी २ स्थित देउनिया क्रिकेट टिमद्वारा आयोजना गरिएको खुल्ला सुपर १५ क्रिकेट प्रतियोगिताको आज तेस्रो दिनको पहिलो खेलमा भद्रपुर वडा न ४ र पन्थपाडियाज बिचमा पन्थपाडियाजले पहिलो ब्याटिङ गर्दै हन्सराज गणेशको ६३ रन र सुरेशको ५१ रनको मद्दतमा निर्धारित १५ ओभरमा १८८ रनको योगफल तयार गरेको थियो । जवाफी ब्याटिङमा भद्रपुर ११ रनमै समेटिएको थियो, उक्त खेलमा पन्थपाडियाजको हन्सराज गणेश म्यान अफ द म्याच घोषित हुदै नगद पाँच सय प्राप्त गरेका थिए ।
त्यसैगरी दोस्रो खेलमा आयोजक डि सि टि ब्लु र अन्जनी मोड बिचको खेलमा अन्जनिमोडले पहिलो ब्याटिङ गर्दै निर्धरित १५ ओभरमा ९२ रन बनाएको थियो भने जवाफी ब्याटिङ गरेको डि सि टि ब्लुले पनि विकास लिम्बुको ३१ र किशोर धमालाको ३१ रनको मद्द्तमा निर्धारित १५ ओभरमा ९२ रन बनाएर खेल टाई भएको थियो र म्याच सुपर ओभरमा गएको थियो । सुपर ओभरमा ६ बलमा डि सि टि ब्लु ले ५ रन बनाएर अन्जनिमोड्ले ६ रनको तार्गेट पाएकोमा किशोर धमालाको उत्कृष्ट बलिङ सामु १ रन मात्र बनाउन सकेको थियो र डि सि टि ब्लु ले म्याच जितेको थियो। उत्कृष्ट ब्याटिङ बलिङ गरेका किशोर धमला खेलको म्यान अफ दि म्याच घोसित भए उनले नगद रु पाँच सय पुरस्कार प्राप्त गरे ।
उक्त खुल्ला सुपर १५ क्रिकेट प्रतियोगितामा विजेता हुने टिमले नगद रु.४०,०००।– धनराशी साथै मेडल ट्रफी पाउने छन् भने उप विजेता टिमले रु.२५,०००।– मेडल ट्रफी पाउने छन् ।
