मानवता हराएर आज मनुष्यमा
दानवी प्रवृत्ति देखाउन थालेको छ।
महानता आफै कता गएछ जगमा
अहमता र पागलपन बढ्न थालेको छ।
आधुनिकता र वैज्ञानिक युगमा
प्रविधिमा मान्छे परिवर्तन भएको छ।
त्यसैले हो कि क्रुरतामा आज
ऊ आँखा देख्ने अन्धो बनेको छ।
आँसुका धारा बहाउँदै छिन् ती आमा
गरिमा चौधरी जस्ता दर्जनौँ छोरी गुमाउँदामा
खै आँखा देख्यौ कि देखेनौ पापी मान्छे
अवोध बालिकाको आँखा आफैं निकाल्दामा
लागू औषध दुर्व्यसनमा चुर्लुम्म डुबेर हो कि तिमी
सत्यता र मानवता हराएर रुँदै छिन् धरणी पनि
खै किन पाप गर्छौ पापी मान्छे ?
निर्दोष बालिकाको आवाज सुन्यतामा हराउँदैछ अझ पनि
शान्ता उप्रेती
हल्दीबारी – १ झापा
