आजको गजल : “मातृभूमि”

                         बिना रोका /घोराही , दाङ्ग 

मातृभूमिको रक्षार्थ खुकुरी समाउन उठौ युवा

वीर गोर्खालीको नाम सधै जनाउन उठौ युवा

अमर सिंह र बलभद्रका सन्तान हौ नि हामी
बलिदानी मागे देशले रगत बगाउन उठौ युवा

सीमा मिच्दै पुगे वैरी लिपुलेक र लिम्पिया धुरा
देखाउदै वीरता सीमाका वैरी हटाउन उठौ युवा

हाम्रो जन्मभूमिमाथि धावा बोल्नेहरुलाई सधै
नेपालको माटो टेक्नै नपाउने गराउन उठौ युवा

वीर नेपाली हौं हामी उच्च रहोस् शिर सधै हाम्रो
विश्व सामु नेपालीको शिर यो ठडाउन उठौ युवा।