काठमाडौं, मंसिर २३ । नेपाली कांग्रेसको आसन्न १४ औं महाधिवेशनमा नेता कृष्णप्रसाद सिटौलाले आफ्नो अलग्गै प्यानल घोषणा गर्ने भएका छ्न ।
आज दिउँसो गौशालास्थित नेता सिटौलाको सम्पर्क कार्यालयबाट सिटौलाले प्यानल घोषणाको तयारी गरेका छन् । उक्त प्यान घोषणा कार्यक्रममा सिटौला पक्षका देशभरका नेता कार्यकर्ता सहभागी हुने जनाएको छ।
नेता सिटौलालाई पार्टी सभापति शेर बहादुर देउवा र रामचन्द्र पौडेलले समेत आफु संघ मिलेर चुनावमा जान अनुरोध गरेपनी उनी आफ्नो टिम सहित निर्वाचनमा भाग लिन लागेको उनी निकट श्रोतले बताए ।
पार्टी सभापति देउवाले आम निर्वाचन पछि रास्ट्रपति समेत बनाउने भनेपनी सिटौला नमानेको देउवा निकट एक केन्द्रिय सदस्यले बताए ।
उता पौडेल समुहले उपसभापति बनाएर लैजान सिटौलालाई फकाएपनी उनी मानेनन् ।
सिटौला निकटका अनुसार उपसभापति ,१ महामन्त्री ,३ सहमहामन्त्री र केन्द्रिय सदस्य गरि आफ्नो टिमलाई दिलाउने किसिमले उनी लागि परेका छ्न ।
