नेपाली काङ्ग्रेसका नेता कृष्ण प्रसाद सिटौलाले गुटबन्दीले कोरेको विभाजनको रेखालाई पुर्नुपर्ने धारणा राखेका छ्न l
आजबाट शुरु भएको काङ्ग्रेसको १४ औं महाधिवेशनको उद्घाटन सत्रमा आफ्नो मन्तव्य राख्दै सिटौलाले शनिबार उमेदवारी घोषणा गर्ने बताएका छन् । उमेदवारी घोषणा गर्दा आफ्ना थप कुरा राख्ने उनले बताए ।
कांग्रेसको महाधिवेशनले युवाको जागर अभिबृद्धि भएको आफूले पाएको बताएका सिटौलाले युवाहरूलाई साथमा लिएर अगाडि बड्न समेत आह्वान गर्दै नेतृत्वमा आउन चाहने युवाहरूको उदेश्य स्पष्ट हुनुपर्ने बताए ।
नेता सिटौला भने ‘के का लागि पार्टीको नेतृत्व गर्न चाहँदै हुनुहुन्छ त्यो प्रष्ट होस् । मात्र पद पदका लागि नहोस् राष्ट्र र जनताका लागि होस्’,
सिटौलाले प्रदीप पौडेलजस्ता युवालाई आफूले साथ दिने बताए । पौडेलले सिटौलाको प्यानलबाट महामन्त्रीमा उमेदवारी घोषणा गरेका छन् ।
यस महाधिवेशनमा ६ सय भन्दा बढी महाधिवेशन प्रतिनिधिहरु सिटौला निकटले जितेकोले पनि उनी र उनको समुहनै निर्णायक हुने देखिन्छ ।सिटौला आफै पनि सभापतिका दाबेदार समेत भएको र पदाधिकारीमा भागबन्डा मिलेमा उनले शेरबहादुर देउवा वा रामचन्द्र पौडेलमध्ये एकलाई सघाउने सम्भावना रहेको छ।
