हल्दीवारी -३ डाडा गाउँमा आयोजना गरिएको श्रीमद्भागवत महापुराण सप्ताह ज्ञान माहायज्ञको कोशी प्रदेश माननीय छविलाल चुडालले उद्घाटन गर्नु भएको छ ।
राधाकृष्ण मन्दिर , स्थानीय शाखा हल्दिवारीको आयोजनामा आज पौष २७ बाट सुरु गरिएको माहायज्ञ माघ ४ गतेसम्म संचालन हुने पुराण आयोजक समितिले जनाएको छ ।
श्रीमद्भागवत महापुराण सप्ताह ज्ञान माहायज्ञमा नेपालका ख्यातिप्राप्त युवा कथा वाचन आचार्य पण्डित बिस्णु प्रसाद भट्टराई र पण्डित उदय खनाल शात्रीले कथा वाचन गर्नु हुने छ ।
पुराण आयोजक समितिका अध्यक्ष चन्द्र प्रसाद दाहालको अध्यक्षतामा भएको उद्घाटन कार्यक्रमलाई प्रमुख अतिथि छविलाल चुडाल, वडा नम्बर ३ का अध्यक्ष बिस्णु प्रसाद ओली ,वडा सदस्य बिस्णुमाया ढुङ्गेल , सनातन धर्म सेवा समिति जिल्ला सचिव लक्ष्मी प्रसाद दंगाल, सरस्वती आविका प्र . अ . गोविन्द बोहरा लगायतले शुभकामना मन्तव्य राख्नु भएको थियोे ।
उद्घाटन कार्यक्रममा स्वागत मन्तव्य अञ्जली भट्टराईको रहेको थियोे भने कार्यक्रमको सहजीकरण अभिषेख खतिवडाले गरेका थिए ।
