हल्दीबारी, १ चैत । हल्दीबारी गाउँपालिका वडा नम्बर ५ मा महिलाहरुको पाठेघर सम्बन्धि ( VIA ) टेस्ट ११० जनाको निशुल्क गरिएको छ ।
लायन्स क्लब अफ भद्रपुरको आयोजनामा भएको एकदिने VIA टेस्ट शिविर वडा अध्यक्ष खडग बहादुर लावतीको प्रमुख आतिथ्यतामा सम्पन्न भएको छ ।
लायन्स क्लब कि सदस्य स्व. उषा रेग्मीको स्मृतिमा लायन्स / लियो क्लब अफ भद्रपुरको आयोजना तथा हल्दीबारी – ५ को समन्वयमा VIA टेस्ट शिविरको आयोजना गरिएको क्लब कि अध्यक्ष सर्मिला अधिकारीले बताउनुभयो ।
नेपाल परिवार नियोजन संघ झापाको प्राविधिक सहयोग रहेको शिविरमा यस क्षेत्रका महिला दिदिबहिनीले निशुल्क चेकजाँच गराएको वडा सचीव भजन सङ्रौलाले बताउनुभयो ।
महिलाहरुको पाठेघर सम्बन्धि ( VIA ) टेस्ट सम्बन्धि एक दिवसीय शिविर उद्घाटन कार्यक्रमलाई प्रमुख अतिथि वडा अध्यक्ष लावती , लायन्स क्लब अफ भद्र्पुरकी अध्यक्ष सर्मिला अधिकारी , नेपाल परिवार नियोजन संघ झापाका अध्यक्ष लोकनाथ भट्टराई , lions zone chairperson मनोज बानियाँ लगायत महानुभावले शिविरको महत्त्व र आयोजनाको बारेमा मन्तव्य राख्नु भएको थियो ।
शिविर उद्घाटन कार्यक्रममा रास्ट्रिय झण्डा र क्लब झण्डाको अभिवादन क्लब कि द्वितीय उपाध्यक्ष उर्मिला गौतमले गर्नुभएको थियोे भने स्वागत मन्तव्य क्लबका प्रथम उपाध्यक्ष राजवंशीले गर्नु भएको कार्यक्रमको संचालन क्लब कि सचीव पार्वती ओझाले गर्नुभएको थियो।
