बिर्तामोड, झापा। झापाको बिर्तामोड नगरपालिका–५ मित्रनगर टोलका ७१ वर्षीय कृष्णबहादुर घिमिरेको निधनपछि उनका तीन छोरीहरू आफैँले काजकिरियाका कार्यहरू सम्पादन गरिरहेका छन्।
जेठ २२ गते निधन भएका घिमिरेको अन्त्येष्टि तथा पश्चातका सबै संस्कार उनकी जेठी छोरी शर्मिला, माइली प्रमिला र कान्छी सुशीला घिमिरेले गरिरहेका हुन्। बुबाको दाहसंस्कारमा पनि उनीहरूले नै दागबत्ती दिएका थिए।
समाजमा महिलाले यस्ता धार्मिक कर्मकाण्डमा अग्रसर भूमिका खेल्ने उदाहरण विरलै देखिँदा, घिमिरे दिदीबहिनीहरूले देखाएको साहस र संकल्पले सन्देशमूलक भूमिका खेलेको छ।
