झापा — झापाको गौरादह नगरपालिका–६ र गौरीगञ्ज गाउँपालिका–६ को सीमा क्षेत्रमा पर्ने रामचन्द्रे खोलामा माछा मार्ने क्रममा करेन्ट लाग्दा एक पुरुषको मृत्यु भएको छ।
गौरादह–६, आरतिनगरका ५० वर्षीय रामकुमार ताजपुरिया घरबाट करिब २०० मिटर उत्तर–पश्चिम रहेको खोलामा २२० भोल्टको लाइन जोडेर माछा मार्ने क्रममा तार सर्ट भई करेन्ट लागेर घटनास्थलमै मृत्यु भएको प्रहरीले जनाएको छ।
घटनाबारे मृतकका श्रीमती फुलकुमारी ताजपुरिया ले देखेपछि प्रहरीलाई खबर गरेको बताइएको छ। सूचना पाएलगत्तै प्रहरी टोली घटनास्थल पुगेर शव खोलाबाट उठाई आवश्यक अनुसन्धान तथा कानुनी प्रक्रिया अघि बढाइएको जिल्ला प्रहरी कार्यालयले जनाएको छ।
