राख्ने विचार गर्दैछु बिक्रीमा म आफैंलाई
लाग्छ मान्छे किन् बेच गर्ने शहर हो मलाई
मान्छे र पशु बीचको अंतरछैन जस्तो लाग्छ
मान्छे हुँ भन्ने पशु अधिकारवादी मान्छेलाई!
मान्छेकै मूल्य नहुने शहराँ बिक्रीमा आफैंलाई
मान्छेले मान्छेझैं गर्दैनन् यो शहरमा मान्छेलाई
कुकुर डोर्याइ हिड्छन् बिहानी स्वस्थ रहनलाई
मान्छेको मूल्य थाहा पाउन बिक्रीमा आफैंलाई!
देवत्त्वकरण नै गर्छन् मान्छेले शहरमा आफैंलाई
कुदिएको मुर्तिझैं ठान्छन् मान्छे आफू आफैंलाई बरु ढुङ्गो बोल्ला तर मान्छे बोल्दैन यो शरमा कतै
अंतर जान्नलाई बिक्रीमा राखे आफैंले आफैंलाई!
मान्छेले मान्छेको मूल्य ठान्दैन कसैले कसैलाई
मान्छेको मूल्य जान्न बिक्रीमा राखे म आफैंलाई
कम्तीमा सन्चो विसन्चो त सोधिन्छ गाउँघरमा
मान्छेले मान्छेको महत्त्व गर्छन् सबैले सबैलाई!
राज कुमार कार्की
मे न पा-१५, झापा ।
