झापा। नेपाल आयल निगमले पेट्रोलियम पदार्थको मूल्य घटाएको छ।बिहीबारदेखि
लागू हुने गरी पेट्रोल प्रतिलिटर ४ रुपैयाँ र डिजेल तथा मट्टितेल प्रतिलिटर ५ रुपैयाँले घटाइएको निगमले जनाएको छ। आन्तरिक हवाई इन्धन प्रतिलिटर ६ रुपैयाँ र अन्तर्राष्ट्रिय हवाई इन्धन (काठमाडौँका लागि) प्रतिकिलोलिटर ४२ अमेरिकी डलरले घटाइएको छ।एलपी
ग्यासको लागत बढे पनि उपभोक्ताको हितलाई ध्यानमा राख्दै बिक्री मूल्य यथावत् राखिएको निगमले जनाएको छ।
