बिर्तामोड । झापाको बिर्तामोडमा अटो र ट्याक्टर एक-आपसमा ठोक्किएर दुर्घटना हुँदा एक जनाको मृत्यु भएको छ भने अन्य चार जना घाइते भएका छन्।
बिर्तामोड नगरपालिका–२ बाह्रकोटीगाउँस्थित भित्री सडक-खण्डमा मे १ ह ३८४२ नम्बरको अटो र मे १ त ७१५३ नम्बरको ट्याक्टर एकआपसमा ठोक्किएर दुर्घटना भएको हो।
दुर्घटनामा अटो चालक तयामुल हकसहित अटोमा सवार झापा गाउँपालिका–४ भामटोली निवासी ३५ वर्षीया सुखि बिवीसमेत पाँच जना घाइते भएका थिए।
घाइते सबैलाई उपचारका लागि बिर्तामोडस्थित बिर्तासिटी अस्पताल लगिएकोमा सुखि बिवीको उपचारको क्रममा दिउँसो १:३० बजे मृत्यु भएको प्रहरीले जनाएको छ। घाइते अन्य चार जनाको सोही अस्पतालमा उपचार भइरहेको छ।
