झापा । प्रधानमन्त्री बालेंद्र शाह (बालेन) र नेपालका लागि जनवादी गणतन्त्र चीनका राजदूत झाङ माओमिङबिच सोमबार प्रधानमन्त्री तथा मन्त्रिपरिषद्को कार्यालय, सिंहदरबारमा शिष्टाचार भेटवार्ता भएको छ।
सिंहदरबारमा भएको भेटका क्रममा नेपाल-चीनबिचको द्विपक्षीय सम्बन्धलाई थप सुदृढ बनाउने, विकास साझेदारी अभिवृद्धि गर्ने तथा विभिन्न क्षेत्रमा आपसी सहयोग प्रवर्द्धन गर्ने विषयमा विस्तृत छलफल भएको छ।
भेटवार्ताका क्रममा प्रधानमन्त्री बालेनले चीनसँगको ऐतिहासिक एवम् मैत्रीपूर्ण सम्बन्धलाई अझ प्रगाढ बनाउँदै दुवै देशको साझा हितका क्षेत्रमा मिलेर काम गर्नुपर्नेमा जोड दिनुभयो।
सो अवसरमा चिनियाँ राजदूत झाङ माओमिङले प्रधानमन्त्री बालेनलाई शुभकामना व्यक्त गर्दै दुई देशबिचको आपसी सम्बन्ध, भाइचारा र सहकार्यलाई आगामी दिनमा अझ मजबुत बनाउने प्रतिबद्धता जनाउनुभयो।
