हेमन्त मैनाली / बनियानी – २२ जेठ । झापाको कचनकवल गाउँपालिकाका थप ३ जनामा कोरोन भाइरस संक्रमण देखा परेको स्वास्थ मन्त्रालयले पुस्टी गरेको छ।
कचनकवल गाउँपालिका स्थित पथरिया माविमा रहेको क्वारेन्टाइनमा बसेका भारतबाट फर्किएका २ र अन्य एक जनामा कोरोना पुस्टी भएको गाउँपालिका अध्यक्ष अन्जार आलमले बताउनु भएको छ। अध्यक्ष आलमका अनुसार संक्रमितहरुलाई गाउँपालिकाकै आइसोलेसनमा राखेर स्वास्थ अवस्थाको निगरानी गर्न लागिएको छ ।
कोरोरा भाइरस संक्रमणको अति जोखिममा रहेको कचनकवलमा आज बिहिवार सम्म १०३ जनामा संक्रमण देखिएको छ। प्रदेश १ कै सबै भन्दा बढी संक्रमित भएको कचनकवललाई केन्द्र तथा प्रदेश सरकारले आर्थिक तथा चेकजाँचमा महत्त्वका साथ हेर्नुपर्ने अध्यक्ष आलमको भनाई छ।
