कचनकवलमा करेन्ट लागेर जोत्न लगेको गोरु मर्याे

कचनकवल। झापाको कचनकवलमा जोत्न लगेको गोरु करेन्ट लागेर मरेको छ । आइतबार बिहान ८ बजे कचनकवल गाउँपालिका-६ मुस्लिम बस्तीमा सडक नजिकमा रहेको विद्युतीय ट्रान्सफर्मरसहितको पोलमा करेन्ट प्रवाह हुँदा करेन्ट लागेर एउटा गोरु मरेको हो ।

सोही ठाउँ बस्ने लक्ष्मीनारायण राजवंशीको गोरु खेतमा जोत्नलाई लैजाने क्रममा करेन्ट लागेको प्रहरीले जनाएको छ । एउटा गोरुलाई करेन्ट लागेर घटनास्थलमै मरेको र मानवीय क्षति नभएको जिल्ला प्रहरी कार्यालयले जनाएको छ ।