भद्रपुरमा ७७ जना गुरू सम्मानित

भद्रपुर । भद्रपुर माविका पूर्व विद्यार्थीहरूले गुरू पूर्णिमाको अवसर पारेर शिक्षण सेवामा जीवन समपर्णण गरेका ७७ जना गुरूहरूलाई सामूहिक सम्मान गरेका छन् ।

२०५४ सालको एसएलसी समूहका विद्यार्थीहरूको सामुहिक प्रयासमा शिक्षण सम्बद्ध तीन पुस्तासम्मका गुरू—गुरूआमाहरूलाई सम्मान गरेका हुन् ।

वि सं २००२ सालमा स्थापना भएको भद्रपुर माविमा रहेरे पढनपाठनमा जीवन समर्पण गरेका गुरू—गुरूमाहरूलाई झण्डै ३९ वर्षपछि पुर्नमिलन गराइ गुरू सम्मान गरिएको जनाइएको छ ।

साथी सुखमा पनि दुःखमा पनि नामक संस्था मार्फत भद्रपुरका १० वटा विद्यालयबाट दिवङ्गत गुरूका प्रतिनिधि सहित ७७ जना गुरूहरूको सहभागिता थियो । छरिएर रहेका सेवा निवृत्त शिक्षकहरूले सो कार्यक्रमको माध्यमबाट सहकर्मी साथीहरूसंग भेट गर्ने अवसर समेत पाएका थिए भने गुरूहरूका गुरूको पनि समावेश भएको दृष्य देखिन्थ्यो ।