हल्दिवारी / हल्दिबारी गाउँपालिका वडा नम्बर ५, सोडागान्धि चोक स्थित हुलाकी मार्गमा हिजो साझ ७ :१५ मा भएको सवारी दुर्घटनामा दुईजनाको मृत्यु भएको प्रहरीले जनाएको छ ।
राजगढबाट जलथलतर्फ आउँदै गरेको मे १ ज ३२६१ नम्बरको पिकअप गाडीले जलथलबाट राजगढतर्फ जाँदै गरेको मे ९ प ९६८५ नम्बरको मोटरसाइकललाई ठक्कर दिएको स्थानीयले बताएका छ्न ।
दुर्घटनामा गम्भीर घाइते भएका मोटरसाइकल चालक र सोही मोटरसाइकलमा सवार दुई पुरुषलाई उपचारका लागि बिर्तामोड स्थित बी एण्ड सी अस्पताल लगिएकोमा चिकित्सकले उपचारको क्रममा ८ बजे दुबैजनालाई मृत घोषित गरेको जिल्ला प्रहरी कार्यालय झापाले जनाएको छ ।
मोटरसाईकलमा सवार हल्दिवारी गाउँपालिका वडा न. ५ वस्ने भानु भक्त प्रसाईको छोरा वर्ष ३० को प्रेम प्रसाई र मृतक प्रेम प्रसाईको साला जिल्ला सुनसरी बराहक्षेत्र नगरपालिका वडा न. १० प्रकाशपुर बस्ने धन बहादुर कार्कीको छोरा वर्ष २१ को डिकेश कार्की रहेको प्रहरीले पुष्टि गरेको छ ।
मृतक दुबैजनाको शव बिएण्सी अस्पतालमै रहेको र आज आवस्यक प्रक्रिया पुरागरी दुबै शवलाई परिवारको जिम्मा लगाउन लागिएको प्रहरीले जनाएको छ ।
पिकअप चालक, झापा भद्रपुर नगरपालिका वडा नम्बर २ बस्ने ३७ वर्षीय दिपेन राईलाई जिल्ला प्रहरी कार्यालय झापाले नियन्त्रणमा लिएको छ। साथै दुर्घटना सम्बन्धमा थप अनुसन्धान कार्य जारी रहेको प्रहरीले जनाएको छ।
