हल्दिबारी। ढडुवा युवा क्लव परिवारको आयोजनामा हल्दिबारी भरिका महिला दिदिबहिनीका लागि तिज विशेष सांंस्कृतिक साङ्गितिक कार्यक्रम सम्पन्न भएको छ ।
कुल बहादुर न्यौपानेको अध्यक्षतामा संचालन भएको कार्यक्रममा हल्दिबारी भरिका महिला दिदिबहिनी ,जनप्रतिनिधि, प्रहरी ,पत्रकार र विभिन्न संघ संस्था लगायतको उपस्थित रहेको थियो।
पछिलो समय ढडुवा युवा क्लव परिवारले समाजमा बिभिन्न सांंस्कृतिक , सामाजिक एवम रचनात्मक गतिविधिहरु स्थानीय, युवाहरुको आर्थिक सहयोगमा सञ्चालन गर्दै आएको छ ।
तिज विशेष सांंस्कृतिक साङ्गितिक कार्यक्रममा मनोरञ्जन सगै दरखाने कार्यक्रम पनि राखिएको थियो। महिला दिदिबहिनीहरु लाई प्रतियोगिताको रुपमा मिउजिक्ल चेयर कार्यक्रम संचालन गरिएको थियो । प्रतियोगितामा प्रथम सिता बिष्ट ,द्वितीयमा होमा बराल र तृतीयमा रेखा पोखरेल भएका थिए। क्लब कि सदस्य अम्बिका भण्डारीले स्वागत मन्तव्य राखेको कार्यक्रमको सञ्चालन एवम सहजीकरण अभिशेक खतिवडाले गरेका थिए।
