पोखरा महानगरपालिका–२२ स्थित शान्ति स्तुपा नजिकै बस दुर्घटना भएको छ। नवयुग डान्स क्लब दाङको भ्रमण टोली बोकेको रा १ ख २१०६ नं.को मिनी बस बिहीबार दिउँसो साढे १२ बजे पुम्दीकोटबाट छोरेपाटनतर्फ आउँदै गर्दा दुर्घटनामा परेको हो। बस सडक छेउमा रहेको रूखमा अड्किएको थियो।
दुर्घटनामा घाइते दुई जनालाई उपचारका लागि बिरौटास्थित नमस्ते अस्पताल पुर्याइएको छ। घाइतेमध्ये तुलसीपुर उपमहानगरपालिका–४, दाङकी १७ वर्षीया सन्ध्या रसाइली र १९ वर्षीया मनीषा रसाइलीको अवस्था सामान्य रहेको अस्पतालले जनाएको छ। बसलाई सडक किनारबाट हटाउन क्रेनको सहयोगमा प्रयास भइरहेको प्रहरीद्वारा जानकारी दिइएको छ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
