(फाइल तस्विर) झापा, २३ कार्तिक । झापाको हुलाकी सडक खण्डमा मोटरसाइकल दुर्घटनामा एक जनाको मृत्यु भएको छ भने अर्का एक जना घाइते भएका छन्।
गएराति ९:२० बजे गौरीगञ्ज गाउँपालिका–३ ठेकिटोलामा, गौरीगञ्ज बजारबाट कोरोबारीतर्फ गइरहेको मे ८ प ८८९५ नम्बरको मोटरसाइकल अनियन्त्रित भई दुर्घटनामा परेको थियो।
दुर्घटनामा परी मोटरसाइकल चालक, गौरीगञ्ज गाउँपालिका–४ का अन्दाजी ३० वर्षीय रोशन मगरको मृत्यु भएको छ। मोटरसाइकलमा पछाडि सवार, गौरीगञ्ज गाउँपालिका–२ का ३२ वर्षीय श्याम राजवंशी घाइते भएका छन्। दुबैजनालाई उपचारका लागि दमकको लाइफलाइन अस्पताल पठाइएकोमा उपचारको क्रममा राति साढे १० बजे रोशन मगरको मृत्यु भएको जिल्ला प्रहरी कार्यालय झापाले जानकारी दिएको छ। दुर्घटनामा संलग्न मोटरसाइकललाई प्रहरीले नियन्त्रणमा लिएको छ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
3
+1
