झापाको कमलमा आगलागी, थापाको घर पूर्ण रूपमा जलेर नष्ट

कमल, २६ कार्तिक । झापाको कमल गाउँपालिका वडा नं. १, गडुमारीमा बसोबास गर्ने खगेन्द्र थापाको घरमा आगलागी हुँदा घर पूर्ण रूपमा नष्ट भएको छ।

आज दिउँसो करीब ३:५० बजे थापाको बाँसको भाटाको टाटीबेरा र टिनको छानो भएको भुइँ घरमा अचानक आगलागी भएको हो। आगलागीबाट घरसहित नगद ५० हजार, भाँडाकुँडा, अन्नपात, लत्ताकपडा गरी अन्दाजी ३ लाख बराबरको क्षति भएको जिल्ला प्रहरी कार्यालय झापाले जनाएको छ।

प्रहरी चौकी तोपगाछीबाट खटिएको प्रहरी टोली, स्थानीयबासी, र कमल गाउँपालिकाको दमकलको सहयोगमा आगो पूर्ण रूपमा नियन्त्रणमा ल्याइएको छ।