झापा जिल्लाको मेचीनगर नगरपालिका वडा नं. १०, पूर्व-पश्चिम राजमार्गमा भएको सवारी दुर्घटनामा पैदल यात्रीको मृत्यु भएको छ।
आज साँझ ६:२० बजे चारआलीबाट धुलाबारीतर्फ गइरहेको मे.६ प.३१७९ नम्बरको मोटरसाइकलले बाटो काट्ने क्रममा पैदल यात्रीलाई ठक्कर दिएको थियो।
दुर्घटनामा गम्भीर घाइते भएका करिब ५० वर्षीय पुरुषलाई उपचारका लागि बिर्तामोडस्थित B&C अस्पताल पुर्याइएको थियो। तर, साँझ ६:५० बजे चिकित्सकले उनको मृत्यु भएको घोषणा गरे। मृतकको नाम, थर, र ठेगाना हालसम्म नखुलेको प्रहरीले जनाएको छ।
मोटरसाइकल चालक गणेश राजबंशी, जो मेचीनगर वडा नं. ७ का ५२ वर्षीय व्यक्ति हुन्, पनि दुर्घटनामा घाइते भएका छन्। उनको हात, खुट्टा, अनुहार, र मुखमा चोट लागेको छ र अहिले सोही अस्पतालमा उपचार भइरहेको छ भने घटनाबारे थप अनुसन्धान जारी रहेको प्रहरीले जानकारी दिएको छ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
