दमक । झापा जिल्लाको दमक नगरपालिका-३, दीपज्योति टोलमा हात्तीको आक्रमणबाट एक व्यक्तिको मृत्यु भएको छ।
घटना मिति २०८१।०८।०२ गते राति करिब २:०० बजे भएको हो। जंगलबाट आएको एउटा हात्तीले स्थानीय सुबिन भट्टराईको किचन भत्काउन खोज्दा छिमेकी ४५ वर्षीय मिन बहादुर भण्डारीले हात्तीलाई धपाउन खोजेका थिए।
यसक्रममा हात्तीले उनलाई करिब १०० मिटर लखेटी लछारपछार गर्दै उचालेर प्रहार गर्दा घटनास्थलमै उनको मृत्यु भएको थियो।
घटनाको जानकारी इलाका प्रहरी कार्यालय दमकमा प्राप्त हुनासाथ प्रहरी टोली खटिई घटनाको अनुसन्धान कार्य अघि बढाइएको छ।
याे खबर पढेर तपाईलाई कस्ताे महसुस भयाे?
+1
+1
1
+1
+1
+1
4
+1
