झापा जिल्लाको मेचीनगर नगरपालिका वडा नं. ६ पुरानो मेचिपुल नजिक प्रतिबन्धित लागुऔषधसहित सन्त राई पक्राउ परेका छन्।
हिजो साँझ ०५:३० बजे लागुऔषध नियन्त्रण ब्यूरो काँकरभिट्टाबाट खटिएको प्रहरी टोलीले भारतबाट सिटिसफारीमा नेपालतर्फ आउँदै गरेका बसन्त राईलाई शंका लागी चेकजाँच गर्दा लागुऔषध खैरो हेरोइन फेला पारेको हो।
बसन्त राई, पाँचथर फालेलुङ गाउँपालिका वडा नं. ६ घर भई हाल इलामको सुर्योदय नगरपालिका वडा नं. ८ फिक्कल श्रीअन्तु रोड निवासी (२४ वर्ष), ले प्लाष्टिकमा पोको पारेर मलद्धारमा लुकाई ल्याएको अवस्थामा ९ ग्राम खैरो हेरोइन फेला परेको छ। प्लाष्टिक बाहेक लागुऔषधको तौल ८ ग्राम रहेको बताइएको छ।
पक्राउ परेका व्यक्तिलाई इलाका प्रहरी कार्यालय काँकरभिट्टामा राखी थप अनुसन्धान भइरहेको छ।
याे खबर पढेर तपाईलाई कस्ताे महसुस भयाे?
+1
+1
1
+1
+1
+1
+1
