झापा, १० पुस । झापा जिल्लाको मेचीनगर नगरपालिका वडा नं. ६ स्थित पुरानो मेचिपुल नजिक लागुऔषध नियन्त्रण ब्यूरो, काँकरभिट्टाबाट खटिएको प्रहरी टोलीले प्रतिबन्धित लागुऔषधसहित एक व्यक्तिलाई पक्राउ गरेको छ।
मिति २०८१।०९।०९ गते साँझ १८:४० बजे भारतबाट नेपालतर्फ आइरहेको मे ७ प ४३८८ नम्बरको मोटरसाइकल चेकजाँच गर्दा झापा, दमक नगरपालिका वडा नं. ४ निवासी २२ वर्षीय गोपाल श्रेष्ठलाई पक्राउ गरिएको हो।
पक्राउ परेका श्रेष्ठले मोटरसाइकलको ह्यान्डल भित्र लुकाएर ल्याएको प्रतिबन्धित लागुऔषध खैरो हेरोइन २ ग्राम ६६० मिलिग्राम (प्लास्टिकसहित) र प्लास्टिक बाहेक २ ग्राम १७० मिलिग्राम फेला परेको थियो ।
मोटरसाइकल र लागुऔषधसहित श्रेष्ठलाई नियन्त्रणमा लिई इलाका प्रहरी कार्यालय काँकरभिट्टामा राखेर थप अनुसन्धान भइरहेको जिल्ला प्रहरी कार्यालय झापाले जनाएको छ ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
