समाचार
हल्दिबारी संवाददाता ३ महिना अगाडि

झापामा अवैध सामान र दुई वटा सिटी सफारी सशस्त्र प्रहरीको नियन्त्रणमा

भारतबाट भन्सार छली गरी नेपाल भित्र्याइँदै गरिएका लत्ताकपडा तथा विभिन्न इलेक्ट्रोनिक्स सामानसहित दुई वटा सिटी सफारीलाई झापाको मेचीनगरबाट सशस्त्र प्रहरीले नियन्त्रणमा लिएको छ।

​मेचीनगर नगरपालिका–१५ स्थित बङ्गसल सीमा क्षेत्रमा साउन २१ गते अपराह्न सशस्त्र प्रहरी निरीक्षक मुकेश प्याकुरेलको कमाण्डमा खटिएको गस्ती टोलीले जाँचका क्रममा उक्त अवैध सामान नियन्त्रणमा लिएको हो।

​सशस्त्र प्रहरी बल नेपाल नं. २ गण हेडक्वार्टर, झापाका अनुसार बरामद गरिएका सवारी साधन र सामानलाई आवश्यक कारबाहीका लागि साउन २२ गते भद्रपुर भन्सार कार्यालयमा बुझाइएको छ। भन्सार कार्यालयले बरामद सामानको मूल्य ५ लाख ४५ हजार ६ सय ५० रुपैयाँ कायम गरेको छ।

​सशस्त्र प्रहरी नायव उपरीक्षक मदनकुमार रसाइलीले सीमा क्षेत्रमा हुने अवैध चोरी-निकासी तथा पैठारी नियन्त्रण गर्न निगरानी र कारबाहीलाई थप कडा बनाइने बताएका छन्।

हल्दिबारी संवाददाता

लेखकका थप सामाग्री (See author's posts)

थप समाचार (More News)