काठमाडौं,काठमाडौंमा र्यापिड डाइगोनेस्ट टेस्ट गर्दा ३१ जनामा कोरोनाभाइरसको संक्रमण देखिएको छ । शुक्रबार काठमाडौं महानगरपालिकामा काम गर्नेहरुमा गरिएको र्यापिड डाइगोनेस्ट परिक्षणमा ३१ जनामा कोरोना पोजेटिभ देखिएको हो ।
महानगरपालिकाका स्वास्थ्य विभाग प्रमुख नरेन्द्र विलास बज्राचार्यका अनुसार काठमाडौं महानगरपालिकामा सफाइ गर्ने कर्मचारीमा गरिएको र्यापिड डाइगोनेस्ट परिक्षणमा ३१ जनामा पोजेटिभ देखिएको हो ।
आज मात्र ९ सय ३४ जनाको कोरोना परीक्षण गरिएको बज्राचार्यले जानकारी गराएका हुन् । आज ६ सय ६४ जनाको आडीटी विधिबाट र २ सय ७० जनाको पीसीआर विधिबाट परिक्षण गरिएको जनाइएको छ ।
