तिमी बिना एक्लै उद्यानभित्र फुल्न सक्दिन म
जति टाढा भए पनि तिमीलाई भुल्न सक्दिन म
अन्धकार छ जीवन मेरो तिमी बिना हेर बाँच्न
तिमीलाई बिर्सी अर्कैको प्रेममा झुल्न सक्दिन म
सम्झनाले सताउँछ सँगै हात समाई हिँडेको हामी
सुन्दर ती बगानमा अब एक्लै डुल्न सक्दिन म
तिमी मेरो मुटु तिमी नै त मेरो प्राण हौ नि प्यारा
तिमी बाहेक अरुको नयनभरि खुल्न सक्दिन म
डाहा गर्थे , देख्नेहरु हाम्रो प्रेमिल जोडी देखेर
अमृत रुपि प्रेममा कहिल्यै विष घुल्न सक्दिन म।
समाचार
समाचार
समाचार
समाचार
समाचार
