नेपालमा कोरोना संक्रमणको कारण मृ(त्यु हुनेको संख्या ७ सय नाघेको छ। हालसम्म देशभर कोरोना संक्रमणको कारण मृत्यु हुनेको संख्या ७१५ पुगेको छ।पछिल्लो २४ घण्टामा २१ जना कोरोना संक्रमितको मृत्यु भएको हो। स्वास्थ्य तथा जनसंख्या मन्त्रालयको नियमित प्रेस ब्रिफिङमा क्रममा प्रवक्ता डा। जागेश्वर गौतमले देशभर २१ जनाको ज्यान गएको जानकारी दिएका छन्।
त्यस्तै, शुक्रबार देशभर थप ४ हजार ३९२ जनामा कोरोना संक्रमण पुष्टि भएको छ। योसँगै देशभर हालसम्म संक्रमित हुनेको संख्या १ लाख २६ हजार १३७ पुगेको छ।विगत २४ घण्टामा १६ हजार ५३१ जनाको पिसिआर परीक्षण गर्दा ४ हजार ३९२ जनामा संक्रमण पुष्टि भएको हो।
पछिल्लो २४ घण्टामा ३ हजार ५२२ जना कोरोना मुक्त भएको छ। जससँगै कोरोनामुक्त हुनेको सङ्ख्या ८८ हजार ४० पुगेको छ । हाल देशभर ३७ हजार ३८२ जना सक्रिय सङ्क्रमित रहेका छन्।
