उनलाई देशको बेवास्ता छ नोट भए पुग्छ
छैन वास्ता जनताको भोट भए पुग्छ ।
हामी जनता उस्तै नै छौँ चोट भुली हाल्छौं
जे गरे नि लुरुलुरु भोट खसालिहाल्छौं ।।
कार्यकर्ता हैन हामी दास जस्तै भयौं
जिवनभर उनको सेवा गर्दैमा रमायौं ।
झर्ला अनि खाउँला भनी पालो कुरेर
हाम्रो आफ्नै अस्तित्वलाई गयौं भुलेर ।।
समस्या त हामी मै छ नायक खोज्दै बस्छौं
लुटेरा को विकल्पमा लुटेरा नै रोज्छौं ।
जनता हामी अचम्म का उनलाई सघाउने
एक दिनको मासुभातले बर्षौं अघाउने ।।
हाम्रै कारण शासकहरु भए थेत्तरा
सम्हालेर राख्छौं हामी तिनै कचेरा ।
अघिअघि गाली गर्छौं उनी ूमाथिू छँदा
म्याँम्याँ गर्दै मुख बाउँछौं भोट माग्न आउँदा ।।
हाम्रा स्वामी भाग्यमानी जे गरे नि छुट
जति सक्छौ सुख स्वार्थ मज्जा गरि लुट ।
किन मान्नु पिर चिन्ता किन गर्नु सुर्ता
फेरि जित्ने तिमी नै हौ तिम्रै हो यो बिर्ता ।।
