राज कुमार कार्की
मृत्यु वरणमै पुग्यो अब भन्थे हिजो रुख
ढकमक्क फुल्यो छैन कतै पनि सुख्खा
आहा ! रंगीचंगी फूल फुल्यो ढमक्क रुख
आहो ! सारा नेपालीलाई मिल्छ अब सुख ।
सारा पातहरु फुलि बन्यो सब रंगीचंगी फूल
यसको शीतल छ्हारीमा नबस्नु नै हुनेछ भूल
रुख नै भन्छन् सबले मानव जीवनकै मुल
मानव मन्दिरमा पनि चढ्छ अब फेरि फूल ।
हिजोसम्म मर्यो भन्थे है केहीले बूढो रुख
मन्दिरमा चढाउने फूल भयो ऐले क्या सुख
मगमग बस्ना चल्यो अब मेची महाकाली
सारा नेपालीको हुन्न अब त भाग्य खाली ।
हिजोसम्म मर्यो अब भनि बजाउथे ताली
अब सारा नेपाली खुसीले गदगद यसपालि
सारा पातहरु अझै अब फूल्नेछन् बनि फूल
रुखको शीतल छ्हारीमै बसौ नगरौं अब भूल ।
नयाँ पाउलाहरु फेर्ने छ यसपालि झन रुखले
नयाँ नेपाल बन्ने छ भनि गदगद सब सुखले
पक्कै नेपाल बन्ने छ मर्दैन अब कोही दुस्खले
सारा नेपालीको भाग्यको रेखा कोर्नेछ रुखले ।
धन्यवाद ।
