हल्दिवारी ,झापा , २४ फागुन – हल्दिवारी गाउँपालिकाका सबै वडामा यही फागुन २८ गतेदेखि हात्तीपाइले विरुद्धको औषधि खुवाउने भएको छ ।
हल्दिवारी गाउँपालिका स्वास्थ शाखाले यहाँ आयोजित पत्रकार भेटघाटमा शाखाका प्रमुख पुष्कर निरौलाले झापाको हल्दिवारी सहित नेपालका १० जिल्लामा हात्तीपाइले विरुद्धको औषधि खुवाइने कार्यक्रम रहेको जानकारी दिनुभयो ।
हात्तीपाइले हाइड्रोसिल र खुट्टामा देखिने गर्दछ । झापा लगायत १० जिल्लाका ११४ स्थानीय तहका ६२ लाख ६३ हजार मानिसलाई औषधि खुवाउन लागिएको हो ।
विश्वमा ७२ देशमा देखिएको हात्तीपाइले रोग नेपाल २५ देशमध्ये जोखिमको सुचिमा परेको छ ।हात्तीपाइले रोग एक प्रकारको मसिनो धागो आकारको जुका जस्तै परजीवीले गराउँदछ र रोगको सङ्क्रमित लामखुट्टेको टोकाइबाट मानिसमा सर्ने गर्दछ । मानिसको शरीरमा यो परजीवी प्रवेश गरेको केही वर्षपछि मात्र यस रोगका कारणले हुने दीर्घकालीन असर हात्तीपाइले र अण्डकोश सुनिने गरेको पाइन्छ ।
