व्यक्तिगत कुरा–दिनेश बस्नेत
हर्के मुग्लानिएकोमा चिन्ता नगर
बिर्खे इराकी जेलमा छ चिन्ता नगर
तिनका लालाबाला अब हाम्रै कार्यकर्ता हुन्
आखिर देशको अर्थतन्त्र
हाम्रो पजेरो र महलको मूल्य
हर्के र बिर्खेले नै त धानेका छन् ।
विमानस्थल र सीमामा लाम लाग्नुपर्छ
को कहाँ जान्छन, कस्ले के गर्छ
त्यो त सब उनीहरुको व्यक्तिगत कुरा हो
कसैको सिउँदो पुछियो
कसैको काख रित्तियो
कसैको अभिभावक गुम्यो
यो सब व्यक्तिगत कुरा हो ।
हामीलाई भेट्दा दाम राख्नुपर्छ
यत्ति हो,
हामीले भनेका बेला काम लाग्नुपर्छ ।
(१४-१५ बर्ष अगाडिको अनुभुती )
