हल्दिवारी गाउँपालिका स्वास्थ्य शाखाको आयोजनामा हात्ती पाइले रोग विरुद्ध आम औषधि सेवन अभियानको उदघाट्न भएको छ । गाउँ पालिका अध्यक्ष रवीन्द्र प्रसाद लिङ्गदेन र प्रमुख प्रशासकीय अधिकृत तुलराज थापा मगरले सयुक्त रूपमा औषधि सेवन गरेर उदघाटन गर्नु भएको छ ।
आज देखि वडा वडा मा पनि औषधि खुवाउने कार्यक्रम सुरु गरेको छ ।वडा नम्बर ३ को ढडुवा चोकमा वडा नम्बर ३ महिला वडा सदस्य मात्रीका भट्टराई ले उदघाटन गर्नु भएको थियो भने ४ नम्बर वडा मा वडा सदस्य महेश मेचेले उदाघाट्न गर्नु भएको हो।
हल्दिवारी गाउँपालिका प्राङ्गणमा अध्यक्ष लगायत कर्मचारीहरुबाट औसधि सेवन गरि अभियानको शुरूवात गरिएको थियो ।
यहि माघ २५ देखि एकहप्ता सम्म संचालन हुने औषधि सेवन अभियानलाई सफल पार्न सबैलाई गाउँपालिकाले आह्वान गरेको छ ।हल्दिवारि गाउँपालिकामा रहेका ६४४० घरधुरीको ३० हजार भन्दा बढीलाई औसधि खुवाउने लक्ष्य रहेको स्वास्थ शाखा प्रमुख पुष्कर निरौलाले बताउनु भयो।
