म्याग्दी – अन्नपूर्ण हिमाल आरोहणका क्रममा एकजनाको मृत्यु भएको छ। मृत्यु हुनेमा सेभेन समिट ट्रेक्स’बाट आरोहणमा गएका आरोही नोयल हन्ना रहेकी छन् ।उनको शव ६ हजार मिटरको उचाइबाट आज दिउँसो आधार शिविरमा ल्याइएको छ । प्राप्त जानकारीअनुसार एकजना बेपत्ता छन् ।
काठमाडौंको पायोनिर ट्रेकिङ कम्पनीमार्फत अन्नपूर्ण आरोहणमा आएकी भारतीय आरोही बलजित कौरको सात हजार पाँच सय मिटर उचाइबाट कैलाश एयरको हेलिकोप्टरमार्फत आज दिउँसो उद्धार गरिएको हो । सेभेन समिट ट्रेक्सबाट आरोहणमा जाएका भारत राजस्थान किसनगढका ३४ वर्षीय अनुराग मालु बेपत्ता भएका हुन्।
उनी फलतापूर्वक आरोहण गरी आधार शिविर फर्कने क्रममा सोमबार दिउँसोदेखि सात हजार पाँच सय मिटरको उचाइबाट बेपत्ता भएका थिए। बेपत्ता मालुको खोजीमा निजी कम्पनीका चारवटा हेलिकोप्टर परिचालन गरिएको छ।
