अभिषेक खतिवडा/झापा, २७ मंसिर।झापाको हल्दिबारी गाउँपालिका वडा नं-३ ले वडागत कार्यक्रम अनुसार सामुदायिक विद्यालयका विद्यार्थीलाई झोला(ब्याग) वितरण कार्यक्रम सुरु गरिएको छ ।
आज एक कार्यक्रमका बिच हल्दिबारी-३ मा रहेको श्री पञ्चायत माध्यमिक विद्यालयका कक्षा-१ देखि कक्षा-५ सम्मका विद्यार्थीलाई झोला वितरण गरेर कार्यक्रमको शुभराम्भ गरिएको शिक्षक डिल्लीराम ढुङ्गेलले जानकारी दिएका छन।
पञ्चायत माध्यमिक विद्यालयमा रहेको बाल क्लब अध्यक्ष प्रतिमा लिम्बुको अध्यक्षतामा सुरु भएको कार्यक्रममा हल्दिबारी वडा नं-३ का अध्यक्ष बिष्णु ओली प्रमुख अतिथि रहेका थिए भन्ने विशेष अतिथिहरुमा वडा सदस्य अजित कुमार बिष्ट,कमला तिमिल्सिना ढुङ्गेल, कर्ण भण्डारी र वडा सचिव राजन खतिवडा उपस्थिति रहेर कार्यक्रम आयोजना गरिएको थियो।
वडा कार्यलयले वडागत कार्यक्रम अन्तर्गत वडा नं-३ भित्रका सामुदायिक विद्यालयमा यो कार्यक्रम सञ्चालन गर्ने छ । जस अन्तर्गत भोली रामेश्वर प्रा.वि र लक्ष्मी मा.वि मा वितरण कार्यक्रम रहेको वडा सचिव खतिवडाले बताएका छन।
