झापा, हल्दीबारी । हल्दीबारी गाउँपालिकामा आज २५ गते आइतबार साँझ ५:४० बजे करेन्ट लगाएर माछा मार्ने क्रममा ३१ वर्षीय रामकुमार अधिकारीको मृत्यु भएको प्रहरीले जनाएको छ।
अधिकारी सङ्खुवासभा जिल्ला चैनपुर-२ का हुन् र हाल हल्दीबारी तीन ऐनावारीस्थित मैनाली हाते कागज खरिद बिक्री केन्द्रमा काम गर्दै आएका थिए।
प्रहरीका अनुसार अधिकारी नजिकै रहेको खोल्सामा करेन्ट लगाएर माछा मार्दा करेन्ट लागेको थियो र घटनास्थलमै मृत्यु भएको हो।
शवलाई पोस्टमार्टमका लागि प्रादेशिक अस्पताल भद्रपुर पठाइएको
जिल्ला प्रहरी कार्यालय झापाले जनाएको छ।यो साउन महिनामा झापामा करेन्ट लागेर ज्यान गुमाउने पाँचौं घटना हो। सांकेतिक तस्बिर
