झापा, असोज २३ । झापा जिल्लामा हालै आएको बाढीले व्यापक क्षति पुर्याएको छ। जिल्ला प्रशासन कार्यालयका अनुसार, झापा गाउँपालिकाका ३४३२ परिवार प्रत्यक्ष रूपमा प्रभावित भएका छन्
सबैभन्दा बढी असर वडा नं २ मा परेको छ, जहाँ १३४१ परिवार बाढीको चपेटामा परेका छन्। त्यसपछि वडा नं १ मा ९९२, वडा नं ३ मा ६६५, वडा नं ५ मा ११०, वडा नं ६ मा ७० र वडा नं ७ मा २५४ परिवार प्रभावित भएका छन्।
राहत वितरण कार्य चरणबद्ध रूपमा अगाडि बढाइएको छ। हिजो र आज गरी १ हजार २ परिवारलाई राहत सामग्री वितरण गरिएको नेपाल रेडक्रस सोसाइटी झापाले जनाएको छ।
आज दोस्रो दिन ३६९ घरपरिवार लाई सहयोग गरिएको हो — जसअन्तर्गत झापा गाउँपालिका–२ का सडकबारीका २६८, टप्पुका १९, जिम्दारवारीका १५ र सिर्जना बस्तीका ६७ परिवारलाई राहत पुगो।
रेडक्रस झापाका सभापति लोकराज ढकालका अनुसार, आज गौरीगञ्ज गाउँपालिका र शिवसताक्षी नगरपालिकाको स्थलगत अध्ययन सम्पन्न गरिएको छ।
उनले भने “भोलिदेखि झापा गाउँपालिकासहित ती पालिकामा पनि राहत वितरण विस्तार गर्ने तयारी भइरहेको छ।”
