– राज कुमार कार्की
जमिन जति टुक्रा पारे र घर घर
कृषि मन्त्रीले मल ल्याउने रे कठै बर।
हुदो रहेनछ हजुर किन हो साडीमा गोजी
कृषिमा क्रान्ति ल्याउने रे अब त खोजी खोजी !
बजेट जति सकियो रे गाडी र साडीमा
कृषि क्रान्ति आउछ रे चारकोसे झाडीमा ।
फेरि कृषि क्रान्ति ल्याउने रे गल्फकै खाडीमा
उद्घाटन गर्न आउदै रे मन्त्री हात हल्लाउँदै गाडीमा ।
सर्प भ्यागुता पालेर आयो रे कृषि क्रान्ति
बहत्तर करोड पाउँदा नि भएन रे मन शान्ति !
ए हजुर अब त मार्यो रे कृषिले छ्लाङ
माइतीघर तिर पो जानु पर्छ रे त मलाम।
बैशाखमा आउदै छ रे हजुर कुम्भ मेला
मासु भातमा अब त मत देला कि नदेला !
कृषि हो कि मन्त्री प्रधान देश
चार जात छतिस बर्णकै रहेछ भेष।
जमिन मात्र हैन पार्टी पनि टुक्रा गरे
कृषि क्रान्ति आउँछ रे त अब भरे !
लेखे मैले यो कविता हजुर मन्त्रीको सुनेर वाणी।
धन्न बनाएनछ्न ईश्वरले साडीमा गोजी जानि नजानि।
धन्यवाद ।
