हल्दिबारी गाउँपालिका खेलकुद बिकास समिति द्वारा आयोजित तेस्रो नकआउट फुटबल प्रतियोगिताको तेस्रो दिन १ बि र ५ बि बिजय भएका छ्न ।
पहिलो खेलमा साविक बिजेता वडा नम्बर ४ ए लाई टाइब्रेकरमा हराउदै वडा नम्बर ५ बि बिजयी भएको छ। निर्धारित समयमा खेल बराबरी भएपछि टाइब्रेकरमा ५ बिले जित हासिल गरेको हो ।वडा ५ का बिबेक लिम्बू पहिलो खेलको म्यान अफ द म्याच भएका थिए ।
दोस्रो रोमाञ्चक खेल वडा नम्बर ४ बि र वडा नम्बर १ बिच भएको थियोे । १ नम्बर वडाले ३-१ को गोल अन्तरमा ४ बि लाई हराउँदै सेमिफाइनलमा पुगेको छ ।
वडा नम्बर १ का आयुस राई ,निस्चल थापा मगर र सुजन नेउपानेले गोल गर्दै आफ्नो टिमलाई बिजयी गराएका थिए भने ४ नम्बर वडाका गायस राईले सान्त्वना गोल फर्काएका थिए। खेलको म्यान अफ द म्याच १ नम्बर वडाका निस्चल थापा मगर घोषित भए।
भोलिको खेल ठिक १ बजेबाट पहिलो खेल वडा नम्बर ५ बि र २ बिच हुदै छ। भोलिनै पहिलो सेमिफाइनल खेल वडा नम्बर ५ को ए टिम र वडा नम्बर १ को बि टिम बिच हुने खेल आयोजक समितिले जनाएको छ।
