झापाको शिवसताक्षी नगरपालिका वडा नं. १ स्थित पूर्व–पश्चिम राजमार्गमा भएको सवारी दुर्घटनामा मोटरसाइकल चालकको उपचारको क्रममा मृत्यु भएको छ।
मिति २०८१।०८।१२ गते बिहान करिब ५:०० बजे प्रदेश १-०१-००१ च ८२२१ नम्बरको बोलेरो पिकअप र मे ६ प २५१४ नम्बरको मोटरसाइकल एकआपसमा ठोक्किँदा मोटरसाइकल चालक ऐ.८ बस्ने करिब ३५/४० वर्षीय ललित बहादुर थापा गम्भीर घाइते भएका थिए। घाइते थापालाई उपचारका लागि बिर्तामोडस्थित बीएण्डसी अस्पताल लगिएको थियो। चिकित्सकले बिहान ६:५५ बजे उपचारका क्रममा उनको मृत्यु भएको घोषणा गरे।
दुर्घटनामा संलग्न बोलेरो पिकअप र त्यसका चालक, मेचीनगर नगरपालिका वडा नं. ८ का ३१ वर्षीय विशाल खवासलाई इलाका प्रहरी कार्यालय झिलझिलेले नियन्त्रणमा लिई थप अनुसन्धान जारी राखेको छ।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
