बनियानी ,१४ मङ्सिर ।झापाको कचनकवल गाउँपालिका–६ स्थित बनियानी चोकमा भएको आगलागीबाट करिब ५ लाख ३० हजार बराबरको क्षति भएको प्रहरीले जना?छ ।
आज शुक्रवार दिउँसो करिब १:५५ बजे सत्य नारायण राजवंशीको घरमा भाडामा लिइ केशव राजवंशीले सञ्चालन गरिरहेको त्यागी राजवंशी होटलमा अचानक ग्यास सिलिन्डर विस्फोट हुँदा आगलागी भएको थियोे ।
आगलागीका कारण उक्त होटलमा रहेका विभिन्न सामान जलेर पूर्ण रूपमा नष्ट हुँदा करिब ४ लाख रुपैयाँ बराबरको क्षति भएको छ । त्यस्तै झरेन्द्र पोडेलद्वारा सञ्चालित निहारी होटलमा १ लाख रुपैयाँ बराबरको क्षति भएको छ भने जय सिंह राजवंशीको घरमा भाडामा लिइ सञ्चालित सिर्मिक सहकारी संस्थाको १५ हजार रुपैयाँ बराबरको क्षति भएको छ।
त्यसैगरी अमर राजवंशीद्वारा सञ्चालित अमिला मेडिकल हलमा १५ हजार रुपैयाँ बराबरको क्षति भएको छ।
घटनापछि स्थानीय बासिन्दा, नेपाल प्रहरी, र भद्रपुर नगरपालिकाको वारुण यन्त्रको सहयोगमा आगो पूर्ण रूपमा नियन्त्रणमा ल्याइएको थियो। आगलागी २: ३० बजे नियन्त्रणमा आएको र कुनै मानवीय क्षति नभएको प्रहरीले जनाएको छ। फाइल तस्बिर
