आजको मौसम : हल्कादेखि मध्यम वर्षाको सम्भावना

आजको मौसम पूर्वानुमान अनुसार देशभरका विभिन्न प्रदेशहरूमा पश्चिमी वायुको प्रभावले हल्का देखि मध्यम वर्षा र हिमपातको संभावना रहेको छ।

विशेषगरी सुदूरपश्चिम, कर्णाली, लुम्बिनी, गण्डकी, बागमती र कोशी प्रदेशका केही स्थानमा वर्षा हुनेछ भने उच्च पहाडी र हिमाली भू-भागमा हल्का देखि मध्यम हिमपातको सम्भावना पनि छ।

कोशी प्रदेश लगायत अन्य पहाडी भू-भागमा आंशिक बदली हुनेछ भने बाँकी भू-भागमा मौसम मुख्यतया सफा रहने अनुमान गरिएको छ। दिउँसो सुदूरपश्चिम र कर्णाली प्रदेशका पहाडी भू-भागमा पूर्णतया बदली रहनेछ, जबकि बाँकी प्रदेशहरूमा आंशिक बदली देखिनेछ। राति पनि कर्णाली, सुदूरपश्चिम, गण्डकी, बागमती र कोशी प्रदेशका पहाडी भू-भागमा आंशिक देखि साधारण बदली रहनेछ।