झापा । नेपाल रेडक्रस सोसाइटी खुदुनावारी उपशाखाको आज सम्पन्न निर्वाचनमा जीव कुमार भण्डारी बिजय भएको निर्वाचन समितिले जनाएको छ।
रेडक्रस खुदुनावारी उपशाखामा आज सभापति, सचीव र कोषाध्यक्ष पदको मात्र निर्वाचन भएको र अन्य पदमा भने निर्विरोध भएको निर्वाचन समितका संयोजक ओम प्रकाश गौतमले जानकारी दिनुभएको छ।
सभापतिमा तत्कालीन सभापति मुकुन्द भण्डारीलाई ११५ मत खसेको थियोे भने जीव कुमार भण्डारी लाई १५४ मत ल्याउदै बिजयी घोषित भएका थिए । त्यस्तै सचीवमा हेम कटुवाल १७५ मत ल्याउदै बिजयी बन्दा उनका प्रतिद्वन्दी पदम बहादुर निरौलाले ८९ मत ल्याएका थिए ।
त्यसैगरी कोषाध्यक्षमा १६४ मतका साथ बिन्दा पाण्डे आचार्य निर्वाचित हुँदा उनका प्रतिद्वन्दी प्रसाद कुमार गुरागाईले १०२ मत ल्याएको निर्वाचन समितिले जानकारी दिएको छ ।
निर्वाचन समितिका अनुसार बन्दना श्रेष्ठ – उपसभापति ,निर्मला दङ्गाल – उपसचिव र राम खड्का – उप कोषाध्यक्षमा निर्विरोध निर्वाचित भएका थिए ।
त्यसैगरि महिला सदस्यमा कुन्ता देवी पोख्रेल भट्टराई र खुल्ला सदस्यमा सागर घिमिरे ,सन्दीप बराल , खेमबहादुर मगर र भिम शंकर सुवेदी निर्विरोध निर्वाचित भएका थिए । आज सम्पन्न निर्वाचनमा उपशाखाका ३१५ मतदाता रहेकोमा २७८ जनाले मतदान गरेका थिए ।
