हल्दिबारी वडा नं-३ द्वारा किसानलाई कृषि औजार वितरण

अभिषेक खतिवडा/हल्दिबारी पौष २६ । हल्दिबारी वडा नं-३ द्वारा वडा भित्रका किसानहरु लाई ५० प्रतिशत साझेदारीमा आज एक कार्यक्रम गरेर कृषि औजार वितरण गरेको छ ।

वडा बाट छ लाख बजेट बिनयोजन गरेर ५०% साझेदारीमा किसानहरु सग थप छ लाख संकलन गरेर जम्मा १२ लाखको कार्यक्रम अन्तर्गत किसानहरुलाई कृषि औजार वितरण गरेको वडा अध्यक्ष बिष्णु प्रसाद ओलीलले जानकारी दिएका छन।

किसानहरु लाई कृषि औजारको रुपमा सिचाई मोटर , स्प्रे ट्याङ्की ,मकै छोडाउने मेसिन ,हुइलब्यारो , र मकै रोप्ने मेसिन वितरण गरिएको थियो। वडा कार्यालय बाट किसानको आवश्यकता अनुरुप निवेदन माग गरेर कृषकलाई औजार वितरण गरिएको हो।

पछीलो समय वडा कार्यालय कृषि क्षेत्र देखि लिएर पुर्वाधार , खेलकुद र जेष्ठ नागरिक सम्मान जस्ता कार्यक्रम गरेर जनमुखी कार्यक्रम गरिरहेको स्थानीय नागरिकले बताएका छन।